2023-yilning 3-iyun kuni Koreya Respublikasi Tashqi ishlar vaziri Park Chin boshchiligidagi delegatsiyaning O‘zbekiston Respublikasiga tashrifi doirasida Jahon iqtisodiyoti va diplomatiya universitetida (JIDU) uchrashuv oʻtkazildi.

Ushbu uchrashuv davomida Koreya Respublikasi tashqi ishlar vaziri Pak Chin O'zbekiston-Janubiy Koreya ko'p tomonlama munosabatlarini mustahkamlash, ilm-fan va madaniyat sohasidagi hamkorlikni kengaytirishga qo'shgan katta hissasi uchun JIDU faxriy doktori univonini oldi. JIDU rektori Sodiq Safoyev Pak Chinga faxriy doktorlik unvonini berish to'g'risidagi sertifikatni topshirdi.

Shu bilan birga, Koreya Respublikasi diplomatik akademiyasi va O'zbekiston Respublikasi tashqi ishlar vazirligi huzuridagi diplomatik akademiya o'rtasida o'zaro anglashuv memorandumi Koreya Respublikasining O'zbekistondagi elchisi Kim Hi Sang va Diplomatik akademiya direktori Abdusamat Haydarov tomonidan imzolandi.

Tadbir "Koreya yarim orolidagi vaziyat va Oʻzbekiston bilan Koreya oʻrtasidagi hamkorlik istiqbollari” mavzusidagi davra suhbati bilan yakunlandi.