Joriy yilning 11-15 may kunlari Jahon iqtisodiyoti va diplomatiya universiteti (JIDU) huzuridagi Diplomatik akademiyada O‘mon Sultonligi Tashqi ishlar vazirligining yosh diplomatlari uchun malaka oshirish kursi tashkil etildi.

Mazkur kurs doirasida Jahon iqtisodiyoti va diplomatiya universiteti hamda Diplomatik akademiya professor-o‘qituvchilari jalb etilgan bo‘lib, ular O‘zbekiston Respublikasi tarixi, iqtisodiy va siyosiy faoliyati, shuningdek, Markaziy Osiyodagi xalqaro munosabatlar bo‘yicha ma’ruzalar o‘qidilar. O‘monlik yosh diplomatlarni o’qitishning oxirgi kunida O‘mon Sultonligi Tashqi ishlar vazirligining Ko‘rfaz arab davlatlari hamkorlik kengashi departamenti rahbari shayx Ahmad Hoshil Rashid Al Maskariy o’z mamlakatining tashqi siyosati bo‘yicha ma’ruza o‘qidi. Shuningdek, O‘zbekiston- O‘mon munosabatlarining istiqbollariga bag‘ishlangan davra suhbati bo‘lib o‘tdi.

15-may kuni tinglovchilarga tantanali ravishda mazkur o‘quv kursini tamomlaganlik to’g’risidagi sertifikatlar topshirildi. Tadbirda O‘zbekiston Respublikasi Oliy Majlisi Senati Raisining birinchi o‘rinbosari, JIDU rektori S.Safoyev, O‘zbekiston Respublikasi Tashqi ishlar vazirining birinchi o‘rinbosari A.A’loyev, JIDU huzuridagi Diplomatik akademiya direktori A.Xaydarov, O‘mon Sultonining O‘zbekiston Respublikasidagi elchisi Vafa Jabr Nosir al-Busaydiy va O‘mon Sultonligi Tashqi ishlar vazirligi Ko‘rfaz arab davlatlari hamkorlik kengashi departamenti rahbari shayx Ahmad Hoshil Rashid al-Maskariy yakuniy so‘zga chiqdilar.

Tinglovchilar yuqorida qayd etilgan kursning tashkil etilishi va mazmunini yuqori baholadilar va minnatdorchilik bildirdilar, shuningdek, ikki tomonlama munosabatlarni rivojlantirishga hissa qo‘shishi mumkin bo‘lgan bunday kurslarni o‘tkazish muhimligini ta’kidladilar.

Joriy yilning 12 may kuni Jahon iqtisodiyoti va diplomatiya universitetida (JIDU) O'mon Tashqi ishlar vazirligi yosh diplomatlari malakasini oshirish bo'yicha maxsus kursning ochilish marosimi bo'lib o'tdi.

Dastur ta'lim va diplomatik sohalarda ikki tomonlama hamkorlikni kengaytirish maqsadida 17-mayga qadar JIDU huzuridagi Diplomatik akademiyada tashkil etildi. Mazkur tashabbus  O'mon TIV xodimlarining O'zbekiston tarixi, ichki va tashqi siyosati, shuningdek, ijtimoiy-iqtisodiy rivojlanishi bilan yaqindan tanishish orqali kasbiy saviyasini oshirishga qaratilgan.

Tadbirda JIDU birinchi prorektori Akram Umarov, JIDU huzuridagi Diplomatik akademiya direktori Abdusamat Xaydarov, O‘mon elchisi Vafa Jabr Nasser Albusaidiy, O'zbekiston Tashqi ishlar vazirligi vakillari, O'mon TIV tarkibiy bo'linmalari rahbarlari, shuningdek, JIDU talabalari ishtirok etdi.

Kurs doirasida JIDU va Diplomatik akademiya professor-o'qituvchilari va tadqiqotchilari tomonidan O'zbekiston tashqi siyosatining o'ziga xos xususiyatlari, mustaqillik yillarida mamlakatimizni rivojlantirishning ustuvor yo'nalishlari, diplomatik tashabbuslar va xalqaro iqtisodiy loyihalar kabi keng ko'lamli mavzularda ma'ruza va amaliy mashg'ulotlar o'tkaziladi.

Mazkur ta'lim dasturining amalga oshirilishi ikki davlat o'rtasidagi munosabatlarni yana-da mustahkamlash, ekspertlik aloqalarini kengaytirish, xalqaro hamkorlik sohasida barqaror muloqotlar uchun platforma yaratishga xizmat qiladi.

O‘zbekiston Respublikasi Tashqi ishlar vazirligi, JIDU huzuridagi Diplomatik akademiya jamoasi 40 yilga yaqin umrini O‘zbekiston diplomatiyasiga bag‘ishlagan Umarov Bahodir Odilovichning vafoti munosabati bilan uning yaqinlari va oilasiga chuqur hamdardlik izhor qiladi.

Hamkasbimiz uzoq yillar davomida Vatanimiz manfaatlarini xalqaro maydonda samarali himoya qilishga ulkan hissa qo‘shdi, xorijdagi diplomatik vakolatxonalarimizda va Vazirlikda turli mas’ul lavozimlarda fidokorona mehnat qildi, tashqi ishlar vazirining matbuot kotibi sifatida o‘z kasbiga sadoqat namunasi bo‘ldi.

Biz B.Umarovning yorqin xotirasini doimo yodda saqlaymiz va yaqinlariga sabr-toqat tilaymiz.

Shavkat Mirziyoyev Hindiston Prezidenti Droupadi Murmu va Bosh vazir Narendra Modiga Kashmir hududida sodir bo‘lgan terrorchilik hujumi oqibatida ko‘plab insonlar halok bo‘lgani va yaralangani munosabati bilan hamdardlik yo‘lladi.

Davlat rahbari halok bo‘lganlarning oila a’zolari va yaqinlariga, butun Hindiston xalqiga chin yurakdan ta’ziya izhor etdi hamda jarohat olganlarga tezroq sog‘ayib ketishni tiladi.

Hindistonning shimolidagi Kashmir mintaqasida joylashgan Pahalgam shahrida noma’lum shaxslar Baisaran vodiysidagi yo‘ldan ketayotgan sayyohlarga qarata o‘q uzishdi.

Ochilgan o‘t ochish natijasida kamida 28 kishi, shu jumladan xorijlik sayyohlar halok bo‘lgan, yana taxminan 30 kishi jarohat olgan.

“Janubiy va Markaziy Osiyo o‘rtasidagi o‘zaro bog‘liqlikni rivojlantirishdagi O‘zbekiston va Hindiston istiqbollari” nomli kitobga bag‘ishlangan sharh maqolasi Hindistonning Veer Arjun gazetasida chop etildi. Ushbu kitob 2024-yil oktyabr oyida Diplomatik akademiya va Hindiston-Markaziy Osiyo jamg‘armasi hamkorligida ingliz, o‘zbek va rus tillarida nashr etilgan.

Maqolada kitobning dolzarbligi va ehtiyoj yuqoriligi ta'kidlanadi. Jumladan, maqola muallifi – Jawaharlal Nehru universiteti professori Hem Chandra Pandey shunday deydi:
"Markaziy Osiyodagi tez o‘zgarayotgan hozirgi vaziyat mutaxassislar e’tiborini tabiiy ravishda tortmoqda. Shu fonda Hindiston va O‘zbekiston o‘rtasidagi iqtisodiy, savdo, madaniy va diplomatik munosabatlarning turli jihatlari bo‘yicha hind va o‘zbek ekspertlari tomonidan taqdim etilgan baho, shubhasiz, nihoyatda dolzarbdir."

2025 yil 23 aprel kuni Jahon iqtisodiyoti va diplomatiya universitetida O‘zbekiston Respublikasi Oliy Majlis Senati raisining birinchi o‘rinbosari, JIDU rektori Sodiq Safoev hamda Hindistonning "MERI Group of Institutions" ta’lim muassasalari delegasiyasi vise-prezident, professor Lalit Aggarval rahbarligida o‘rtasida uchrashuv bo‘lib o‘tdi.

Uchrashuv doirasida hamkorlik to‘g‘risidagi Memorandum va shartnoma imzolandi hamda yangi o‘quv yili uchun o‘quv rejasi tasdiqlandi. Ushbu kelishuv haqida Xindistonning “The Pioneer” gazetasida maqola nashr etilgan.

2025-yil 14-apreldan 25-aprelgacha JIDU huzuridagi Diplomatik akademiyada O‘zbekiston Respublikasi Tashqi ishlar vazirligi xodimlari uchun qisqa muddatli "O‘zbekiston Respublikasining yangilangan tashqi siyosatining konseptual asoslari, zamonaviy diplomatiyada “Yumshoq kuch”, diplomatik protokol va etiket" mavzudagi malaka oshirish va qayta tayyorlash kursi tashkil etildi.

Diplomatlarning o‘quv jarayoniga Respublika va JIDUning yetakchi mutaxassislari jalb etildi. O‘quv jarayonida tinglovchilar diplomatik protokol va odob-axloq qoidalari asoslari, ishbilarmonlik yozishmalarini o‘tkazish nazariyasi va amaliyoti, diplomatik qabullarni tashkil etish, muzokaralar olib borish, shuningdek, turli darajadagi rasmiy tashriflarda protokol tadbirlari dasturlarini tayyorlash metodikasi kabi sohalarda nazariy va amaliy ko‘nikmalarni o‘zlashtirdilar.

2025-yil 25-aprel kuni o‘qish jarayonini muvoffaqiyatli tugatgan barcha tinglovchilariga O‘zbekiston Respublikasi TIV JIDU huzuridagi Diplomatik akademiyaning qisqa muddatli kurslarini tamomlaganlik to'g'risidagi sertifikatlar topshirildi.

2025 yil 23 aprel kuni Jahon iqtisodiyoti va diplomatiya universitetida O‘zbekiston Respublikasi Oliy Majlis Senati raisining birinchi o‘rinbosari, JIDU rektori Sodiq Safoev hamda Hindistonning "MERI Group of Institutions" ta’lim muassasalari delegasiyasi vise-prezident, professor Lalit Aggarval rahbarligida o‘rtasida uchrashuv bo‘lib o‘tdi. Uchrashuvda Hindistonning O‘zbekistondagi Favqulodda va Muxtor elchisi Smita pant ham ishtirok etdi.

Tomonlar o‘zaro hamkorlik istiqbollarini, jumladan, xalqaro ta’lim standartlariga mos “Menejment” yo‘nalishi bo‘yicha magistratura dasturini JIDU huzuridagi Diplomatik akademiyasida joriy etish masalalarini muhokama qildi.

Uchrashuv doirasida hamkorlik to‘g‘risidagi Memorandum va shartnoma imzolandi hamda yangi o‘quv yili uchun o‘quv rejasi tasdiqlandi. Ushbu kelishuv diplomatiya akademiyasi tinglovchilari uchun ta’lim sifatini oshirish, Hindistonning yetakchi ta’lim muassasalarining malakali mutaxassislarini jalb qilish, ilmiy bilimlar almashinuvi va MERI ta’lim resurslaridan foydalanish imkoniyatlarini ochib beradi.

Tomonlar kelgusidagi sheriklikni mustahkamlash va o‘zaro manfaatli hamkorlikni yanada rivojlantirishga tayyor ekanliklarini ta’kidladilar.

2025 yil 17 aprel kuni JIDU huzuridagi Diplomatik akademiyada, soat 12:00 da B bino 210 xonada, Italiyaning SIOI vakillari tomonidan “AQSh, Xitoy va Rossiyaning Markaziy Osiyodagi geosiyosiy manfaatlari” mavzusida onlayn ma’ruza bo‘ladi.

9-aprel kuni O‘zbekiston Respublikasi tashqi ishlar vaziri Baxtiyor Saidov AQSh Davlat kotibi Marko Rubio bilan uchrashdi.

O‘zbekiston va Amerika Qo‘shma Shtatlari o‘rtasidagi strategik sheriklikni mustahkamlashga alohida e’tibor qaratilib, ikki tomonlama kun tartibidagi dolzarb masalalar yuzasidan atroflicha fikr almashildi.

Muzokaralar davomida siyosiy muloqotni kengaytirish, iqtisodiy va investitsiyaviy aloqalarni chuqurlashtirish, mintaqaviy hamkorlikni rivojlantirish, shuningdek, Markaziy Osiyoda xavfsizlik va barqarorlikni ta’minlash kabi hamkorlikning asosiy yo‘nalishlari muhokama qilindi. O‘zbekiston tomoni AQSh tomonidan mamlakatda olib borilayotgan islohotlarga ko‘rsatilayotgan qo‘llab-quvvatlashni yuksak baholadi.

Tomonlar O‘zbekiston–AQSh munosabatlarining ijobiy dinamikasini saqlab qolish istagini tasdiqladilar. Strategik sheriklik doirasida yuqori darajadagi muloqotni va amaliy hamkorlikni davom ettirish borasida kelishuvga erishildi.

2025-yil 11-aprel Jahon iqtisodiyoti va diplomatiya universiteti huzuridagi Diplomatiya akademiyasida Oʻmon Sultonligi Tashqi ishlar vazirligining Fors koʻrfazi davlatlari va Markaziy Osiyo mamlakatlari boʻyicha departamenti rahbari Shayx Ahmad bin Hashel Maskariy bilan uchrashuv boʻlib oʻtdi. Uchrashuvda Oʻmonning Oʻzbekistondagi elchixonasi rahbari Al Sayyida Vafo Jabr Nasser Albusaidiy ham ishtirok etdi.

Suhbat davomida yosh diplomatlarni tayyorlash sohasidagi hamkorlik masalalari muhokama qilindi.

Shayx Ahmad bin Hashel Maskariy ikki davlat oʻrtasidagi yuqori ishonch darajasi va tarixiy yaqinlikni taʼkidlab oʻtdi hamda Oʻmon tashqi siyosati va Fors koʻrfazi davlatlarining siyosati mavzusida maʼruza oʻqish istagini bildirdi.

Uchrashuv konstruktiv ruhda oʻtdi va ikki tomonlama hamkorlikni mustahkamlash borasidagi oʻzaro qiziqishni tasdiqladi.

O‘zbekiston Respublikasi tashqi ishlar vaziri Baxtiyor Saidov Nyu-York shahrida “Global Infrastructure Partners” asoschisi, raisi va bosh direktori, “BlackRock” kompaniyasining katta boshqaruvchi direktori Adebayo Ogunlesi bilan uchrashdi.

Uchrashuv davomida barqaror investitsiyalarga qaratilgan hamkorlikni chuqurlashtirish imkoniyatlari o‘rganib chiqildi. 

Xususan, O‘zbekiston qulay sarmoya muhitini yaratishga intilayotgani, “BlackRock” kompaniyasining boy tajribasi esa o‘zaro bog‘liqlikni rivojlantirish va taraqqiyot bo‘yicha strategik maqsadlarimizga mos kelishi taʼkidlab o‘tildi. 

Shuningdek, mintaqamizda tub burilish yasaydigan loyihalarni amalga oshirish yo‘lida mustahkam sheriklik o‘rnatishga intilinayotgani qayd etildi.